Oleh: dodi | April 1, 2008

Pupuh

Akhir Maret ieu hujan masih keneh aya nembongan…padahal mun ceuk itung-itungan mah geus sakuduna asup ka usum halodo….Tapi keun bae lah na hate leutik kuring leuwih resep kana Usum Hujan…eta ari Usum Hujan…sok jol emut ka Anjeun-Na…!!!

Harita wanci masih carangcang tihang… kuring ge karek lekasan sholat subuh terus ret kana tumpukan buku (kuring lain kalahkah ngaderes …) ret kana deui tumpukan buku anu hijrah hasil panyalametan ti imah aki di Ciamis … diantarana aya buku anu kaasup kana buku buhun nyaeta buku Mahabarata anu masih keneh make ejaan sunda buhun….kuring pernah nyobaan maca…eh kalahka lieur….nyakitu tea…teu kataekan meureun…???

….Gap leungen kuring kana buku nulainna nyaeta kana buku kumpulan pupuh…kuring jadi era sorangan tina 17 pupuh mun dicobaan dihariringkeun geuning hese jeung teu pati lancar…gebeg ingetan teh kumaha lamun hiji waktu mun budak kuring jaga geus sakola budak menta pang nyontoankeun ngahariringkeun pupuh kusabab aya tugas ti sakola….wah cilaka…ceuk pikir kuring…..cilaka …komo deui lamun budak nyeletuk …”Pan bapa teh pituin urang sunda …!!!”

Aya..gerentes dina hate…kumaha lamun kuring milu kursus ngahaleuangkeun pupuh…kajeun eta kursus dihijikeun jeung budak SD oge….tapi mikir deui waktu na iraha…..ah..mun teu ngakal moal ngakeul…ayeuna jaman canggih ceuk kuring…ras inget ka sobat kuring nu aya di Banjar manehna geus luhung ku pangaweruh dina widang seni sunda….kuring rek menta tulung kamanehna sugan we dibere bongbolongan….(Sobat kuring teh katelehna Asdi ari ngaran aslinamah Asep Dedi..disingkat Asdi teh asal keren bae cenah…..).

Sabulan katukang kuring narima paket ti kisobat Asdi ari pas dibuka teh nyaeta CD anu eusina pupuh jeung kuring dikirim oge VCD wayang golek dina judul Cepot Rahul anu dalangna Asep Sunandar Sunarya.

Aya jalan komo meuntas, ceuk pikir kuring bari nyetel CD anu jentre ngahaleuangkeun pupuh Asamarandana : (tah kieu geura….)

Eling – eling mangka eling
Mangka eling
Rumingkang di bumi alam
Darma wawayangan bae
Raga taya pangawasa
Lamun kasasar lampah
Nafsu numatak kaduhung
Badan anu katempuhan

Pikeun saling ngingetan ieu 17 pupuh teh nyaeta : (ASMARANDANA, BALAKBAK, DANGDAGULA, DURMA, GAMBUH, GURISA, JURU DEMUNG, KINANTI, LADRANG, LAMBANG, MAGATRU, MASKUMAMBANG, MIJIL, PANGKUR, PUCUNG, SINOM, WIRANGRONG).

Punten postingan ieu sanes abdi bade adigung adiguna….kuring rumasa jalma nu jauh kabedug tapi kuring rumasa kandel kulit beungeut pikeun ngamumule budaya sunda…..

Cag…….
Gunungsari – akhir Maret 08
Haturnuhun ka Kang Asdi
@ Banjar – Ciamis


Responses

  1. aduh geuning aya baraya🙂

  2. Haturan tepang teh Liez…Salam baktos..

  3. Reueus ku ki sunda teh, mung sim kuringmah teu acan tiasa ngamumulena…..


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: