Oleh: dodi | Maret 19, 2008

Ngobor Belut

Tahun 90-an acara ngobor belut teh mindeng pisan dipigawe ku kuring saparakanca waktu masih keneh dumuk di Ciamis..Waktu harita mah mun geus ngumpul jeung ngacarakeun ngobor belut pasti rame pisan, pasukan ngobor belut kuring mun teu salah mah harita teh aya 5 personil anu direkrut ti berbagai golongan jeung pakasaban nu pasti tim kuring tim anu solid diantara sababaraha loba tim ngobor belut di lembur. Tim kuring sok disarebut tim BELEHEM lantaran meureun personilna sok loba imut jeung ting gelenyu…. tim belehem kaasup awet jarang gunta-ganti personil mun diibaratkeun group band-mah meureun langgeng kulantaran ngabogaan visi jeung misi nu jelas…he..he.. na bet jadi ngalantur ka dinga…

Balik deui ka Ngobor belut…. tim Belehem anu limaan teh nyaeta Kang Aming sapopoena harita juru dekor dinu hajatan, Kang Entis ayeunamah geus diangkat PNS (alhamdulilah), Kang Sudira ti baheula nepi kaayeuna satia kana angkutan hayam tapi ayeunamah geus jadi menejerna …nu kaopat Jang Ento ayeuna sukses jadi guru di Kuningan, nu kalima kuring .. harita kuring mah mun nurutkeun umur meureun pang bungsuna…. Mun di umpakeun shooting sinetron mah tim ngobor belut kudu boga skill masing-masing diantarana…Tukang survei lokasi nyaeta nyiapkan daerah sawah palebah mana nu siap di obor jeung perkiraan populasi belutna nu loba…Bagean perlengkapan tugasna nyiapkeun alat-alat utama keur ngobor belut..nu paling penting nyaeta bagian pencahayaan he..he… eta teh bagian nu nyiapkeun lampu patromaks…da haritamah can jiga ayeuna geus loba lampu emergensi…beurangna di cas … peuting siap dipake….Nyiapkeun lampu patromak tim belehem biasa kuahlina nyaeta ku Kang Sudira timimiti ngecek klep kompa nepi ka kaos lampu jeung spirtusna…pokona kang Sudira mah ahlina lah…Pernah harita kuring nyiapkeun lampu patromak lain alus kalahkah ngagebus pas deui kaosna katoel ancur…bin puray…ceuk budak ayeunamah…cape dech….

Prak-prakan ngobor dimulai ku ritual maca Basmallah …. sabab ceuk sakaol kuring saparakanca rek apruk-aprukan katengah sawah jeung ranca anu teu mustahil bakal liwat katempat nu aheng…(Anging Alloh nu uninga…) Biasana acara teh dimulai bada sholat Isya…ambeh salse meureun… bral kuring saparakanca muru ka sawah anu aya di kiduleun lembur nu katelah sawah blok salam…Lampu patromak geus mulai nyaangan kuring saparakanca… kang sudira geus mahir manggul patromak…padahal mawa patromak lian ti cangkeul teh panas …Nepi ka blok sawah salam …ngobor belut dimulai… mulai ti sawahna (mun teu salah) sawah Aki Sanukri…bres..bres..kuring saparakanca mulai nincak leutak sawah anu anyar dibaladah…Kang Aming, Kang Entis, jang Ento…geus siap jeung bedog sewang-sewangan…memang bener ceuk kang Aming nu saacanna geus survei lokasi yen di blok salam teh kawentar ku populasi belutna anu loba…. da etamah henteu direkayasa saperti Kasus Lapindo…tiap kotakan sawah, kuring saparakanca bisa meunang 6-8 belut…. tampolana mah meunang nepi ka 15 belut…. kuring saparakanca ngobor terus ngetan ti blok sawah salam nepi ka blok sawah Margasari….Kuring harita jeung salawasna sok kabagean mawa ember jang nonda belut bebeunangan…beuki lila mah sok beuki cangkeul…. mun geus kitu tim belehem sok ngahaja istirahat heula disaung sawah… mun keur istirahat sok kawenehan panggih jeung rombongan tim ngobor belut nu laenna….Mun geus cukup istirahat kuring saparakanca biasana neruskeun deui ngobor belut…ngan orokaya awak geus karasa leuleus ….teu sasumanget mimiti turun ngobor….biasana sok katurug katutug keur teh awak geus cape…sok apes manggihan oray welang atawa oray weling mun ngegel sok matih pisan…..Mun geus panggih jeung oray welang acara ngobor teh sok langsung rengse alias the end….Kuring saparakanca biasana hanjat ti sawah nuju kawalungan Cipicung pikeun mandi meresihan awak anu pinuh kuleutak….haritamah walungan Cipicung teh caina masih keneh subur tur herang…(ayeunah kamari pas kuring mudik pinuh ku sampah…)
Beres mandi kuring saparakanca muru ngaler nyaeta kaarah pilemburan….anu dituju nyaeta imahna kang Entis…imah kang Entis biasa dipake ngumpul nya ceuk kerenamah Base camp githu…loch…

Beres ngobor belut biasa wanci teh geus hampir tengah peuting…. tapi da kapalang kagok…..biasana sok langsung disambung ku acara ngaliwet…urusan liwet lain kuring sombong kuring meureun manukna….batur kuring nu lian meresihan belut ..biasana aya nu digoreng ari kang Aming mah paling seneng mun di cobek atawa di pais…Sesa belut nu geus beresih biasana sok di jieun dengdeng ku Bi Enih garwana kang Entis…..
Jam 2 peuting biasana liwet jeung belut geus asak….tinggal brak…dalahar balakecrakan…bangun ngeunah …. tur ponyo…..Alhamdullilah…ka nikmat…Alloh…..

Cag…..dugi kadieu..wassalam…
(Sok sono iraha kumpul deui…K Aming, K Entis, K Sudira, J Ento)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: