Oleh: dodi | Maret 19, 2008

Ngerjakeun Pe eR

Poe Kemis akhir bulan Februari katukang Jam 7 peuting kuring karek balik kaimah da eta dikantor kasebutna teh keur sibuk tutup buku. Asup kapakarangan imah nu kabenaran can di pager…tuluy weh kuring ngasupkeun si hitam anu geus 5 poe can dimandian…disidik-sidik motor teh jiga tas off road wae pinuh ku leutak….

Jam 8 peuting keur salse nonton TV (da kabeneran budak jeung pamarentahan / istri-red….geus tibra sare) kuring asa kagareuwah aya nu ngetrok panto.. pas dibuka katempo nu diluar Neng Dilla budak tatangga anu masih keneh kelas 2 SMP, langsung bae ku kuring ditanya ” Aya naon neng…?” Neng Dilla ngawalon ” Ieu Pa Aal, abi aya Pe Er…basa Sunda ngeunaan bahasa kiasan dina basa Sunda anu aya patalina sareng awak / tubuh urang..!!” Kuring rada ngahuleng …Pe Er basa Sunda…duh ceuk pikir daripada Pe Er basa Sunda asa mending keneh mamatahan PeEr Matematika atawa Fisika….” Cik, kadieu neng candak bukuna ku abi dibaca heula sugan tiasa…” Neng Dilla “ Tenang wae Pa Aal, da ieu Pe eR kangge dinten Sabtu…!!!” “ Nya muhun atuh neng ke ku abi di pelajari heula….ke hasilna ku abi diwartosan…”

Undur na Neng Dilla, kuring jadi ngahuleng bari maca buku pelajaran kelas 2 SMP…lila ngahuleng ….oh ieu meureun nu dimaksud teh ungkapan dina basa Sunda nu make kecap tina awak urang, ku kuring di coba di kotrat – kotret…
• Gede hulu artina : sombong
• Ti luhur sausap rambut, tihandap sausap dampal artina : total nyerahkeun diri.
• Kandel kulit beungeut artina : euweuh kaera.
• Beukah liang irung artina : seneng kapuji ku batur.
• Abong biwir teu diwengku artina : sok ngomong saenakna/saceplosna.
• Heurin ku letah artina : kitu salah kitu lain kulantaran deukeut ka sakabeh pihk.
• Heuras genggerong artina : jalma kasar tur teu sopan.
• Bengkok tikoro artina : jalma nu nasibna kurang beruntung (masalah rejeki).
• Aya hate kadua leutik artina : aya nudipikahoyong
• Adat ka kurung ku iga : sifat jalma nu hese dirobah.
• Murag bulu bitis artina Jalma nu teu resep cicing seneng indit – inditan.
• Tamiang meulit kabitis artina : cilaka kupolah sorangan.
• Nulak cangkeng dina kelek artina : nunjukan sifat jalam sombong / arogan.
• Leutik burih artina jalma nu teu boga kawani…(nyali) = leutik hate.
Pas manggih kecap leutik burih kuring jadi inget kunaon urang sunda jarang nu jadi pangingpin…
• Indung suku oge tong dibejaan artina : rahasia tong sampe bocor kabatur
• Hirup teu ngukur kakujur artina : teu ngukur kana kamampuan.
• Asa ditincak hulu artina : asa disapelekeun, dilecehkeun.

Geus cukup meureun lah ceuk pikir kecap-kecap diluhur pikeun ngeseuian Pe eR na Neng Dilla. Isukana poe Juma’ah kotretan PeEr dititipkeun ka indung budak pikeun diserah keun ka neng Dilla…

Poe Juma’ah kuring mangkat deui ka pabrik jeung si hitam anu satia…sapanjang jalan kuring mikir cilaka lamun Neng Dilla Pe Er na menta diterjemahkan ka Bahasa Indonesia…komo mun nitah di translate ka basa Inggris…..ih …duka we gelap jeung poek pikiranteh….

Teu karasa geus nepi deui ka gerbang Pabrik….

Cag …ah…(Gunungsari Maret 2008)


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: